طاھر شاہ، تمہارا شکریہ

گزشتہ ھفتے، پاکستانی قوم نے سوشل میڈیا پر طاھر شاہ کے گیت پر غیر ضروری طور پر خوب توجہ دی اور اس نو وارد تخلیق کار پر بد تہذیبی اور بد زبانی سے بھرپور لفظی حملے کئے، فحش گالیاں لکھیں اور چاھے مذاق ھی میں سہی، اس کے مرنے تک کی بد دعاؤں والے کمنٹس لکھے۔۔۔ دوسری جانب، ٹی وی چینلز نے طاھر شاہ کو ائیر ٹائم دیا، ملکی اور غیر ملکی جرائد نے بھی انہیں کوریج دی اور شگفتہ انداز میں تفریحی آرٹیکلز لکھے گئے۔

میں سوچتا ھوں کہ اتنی توجہ اور ناپسندیدگی کا اظہارجو محض سات دنوں میں کیا گیا، اگرمجموعی طور پر سات برسوں میں دھشت گردی کے خلاف اس کا دس فی صد بھی اظہار کردیا جاتا، تو شاید اس ملک میں سرایت کی گئی مذھبی و فرقہ وارانہ نفرت اور تحریک طالبان پاکستان اور اس کی ذیلی فسادی تنظیموں کو آج اس طرح کھلم کھلا دندنانے اور ریا ست پاکستان کو اپنے قدموں پر جھکائے رکھنے کی ھمت تک نہ ھوتی۔ دنیا بھر کا میڈیا، ھمارے بارے میں یہ کالمز لکھ رھا ھوتا کہ اس قوم نے دہشت گردی کے خلاف کمر کس لی ھے، اور سب کو یک جہتی اور امن کا پیغام سنا دیا ھے۔ اس قوم نے ثابت کر دکھایا ھے کہ اس کا نظریہ حیات، امن اور آشتی پر مبنی ھے، اور وہ انتہاپسندانہ رویوں کو معاشرے میں اپنا اثر ڈالنے کی اجازت نہیں دے سکتی وغیرہ۔

مگر افسوس کہ دھشت گردوں اور ان کے وحشیانہ نظریات کے حق میں تاویلیں اور سازشی نظریات پیش کرنے والوں کی ھمارے ھاں کوئی کمی نہیں۔۔۔۔ افسوس کہ خود کش حملوں میں زندہ جلا کر راکھ کر دینے والے درندوں کے مقابلے میں یہ قوم ایک بے ضرر اور معصوم سے گیت سے ذیادہ خائف دکھائی دیتی ھے۔۔۔ پاکستان کو جہنم بنادینے والی تنظیموں اور ان کے نمائندگان کے مقابلے میں اس قوم کو طاھر شاہ سے ذیادہ الجھن محسوس ھوتی ھے۔

طاھر شاہ، تمہارا شکریہ کہ تم نے حالت جنگ میں مبتلا قوم کے کھلنڈرے پن اور غیر سنجیدہ ذھنیت کو برھنہ کر کے ھمارے سامنے رکھ دیا۔۔۔

(سبز خزاں)

Eye to eye

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s